Ablana

Ablana
Nome	Ablana
Detalles
Ingredientes	hazelnut shell (en)
Productu natural de	Corylus avellana
Más información
[editar datos en Wikidata]

L'ablana^[1] ye'l frutu d'un arbustu que llamen ablanal o parra (corylus avellana). Tien una forma esferoidal con un diámetru d'ente 10 y 15 mm. y compónse de tres partes: un garapiellu (cubierta vexetal de color verde), un cascu fibrosu que seca al madurecer y una parte comestible.

Tradicionalmente les ablanales plántense nes orielles de los praos, y son un complementu a otres actividaes agrícoles y ganaderes. Les ablanes cuéyense a lo último del branu o al entamu de la seronda, abaxando si fai falta les cañes de les ablanales con un gabitu y echándoles nuna fardela que se suel llevar amarrada a la cintura pa tener les manes llibres. En casa, esbíllense y pónense a secar al sol en corredor pa poder consumiles tol añu.

1. ↑ Esti términu apaez nel Diccionariu de l'Academia de la Llingua Asturiana. Ver: ablana