Aedui

An Aedui (pe Haedui) pe Aedued, (Αἰδούοι en henc’hresianeg) a oa ur bobl eus Gallia Lugdunensis, a oa o vevañ etre ar stêrioù Arar (Saône) ha Liger^[1]. En-dro dezho e oa ar Bituriges hag ar Sequani. Bibracte e oa o c’hêr-benn, e-kichen Autun.

A-raok mare Julius Caesar o doa graet emglev gant ar Romaned. Sevel a rejont a-du gant kevre ar pobloù galian a-enep Caesar koulskoude^[2]. Met goude faezhidigezh armeoù Verkingetoriks en Emgann Alesia, e voe graet emglev en-dro etre an Aedui hag ar Romaned. Diwezhatoc’h e voe dismantret o c’hêr-benn Bibracte ha lakaat en he lec’h ur gêr hanter-roman hanter-c’halian, Augustodunum (Autun), anvet diwar-lerc'h anv an impalaer Augustus.

1. ↑ Julius Caesar, De Bello Gallico, levrenn VII, pennad 5, ha De Bello Gallico, levrenn I, pennad 12
2. ↑ Caesar, De Bello Gallico, levrenn VII, pennad 42