Almanzor![]() | |||
---|---|---|---|
![]() | |||
978 - 1002 ← Yafar al-Mushafi (es) ![]() ![]() | |||
Vida | |||
Nacimientu | Alxecires y Califatu Omeya, circa 938 | ||
Residencia |
Medina Alzahira (es) ![]() | ||
Muerte | Medinaceli[1], 9 d'agostu de 1010[2] (71/72 años) | ||
Sepultura | Medinaceli | ||
Familia | |||
Casáu con |
Oneca of Castile (en) ![]() A'isha (es) ![]() valor desconocíu (977 – )[3] Asma Bint Ghalib (en) ![]() Urraka Sanoitz (983 – ) | ||
Pareyes | ensin valor | ||
Fíos/es |
| ||
Estudios | |||
Llingües falaes | árabe[4] | ||
Oficiu |
políticu, militar, comandante militar (es) ![]() | ||
Serviciu militar | |||
Lluchó en |
Batalla de Rueda (es) ![]() Batalla de Cervera (es) ![]() sitio de Barcelona (es) ![]() Batalla de Torrevicente (es) ![]() | ||
Creencies | |||
Relixón | sunismu | ||
![]() |
Abu ʿAmir Muhammad ben Abi ʿAmir al-Maʿafirí[5][nota 1] (en árabe: أبو عامر محمد بن أبي عامر ابن عبد الله المعافري), llamáu al-Manṣūr (المنصور), «el Victoriosu»,[5] más conocíu como Almanzor (c. 939-Medinaceli, 9 d'agostu de 1002),[7] foi un militar y políticu andalusí, canciller del Califatu de Córdoba y hayib o chambelán del califa Hisham II.
Nacíu nuna alquería nes contornes de Torrox nel senu d'una familia d'orixe árabe yemenín con dellos antepasaos xurisconsultos, coló mozu a Córdoba a formase como alfaquí.[8] Dempués d'unos empiezos humildes, ingresó na Alministración y llueu se ganó l'enfotu de la favorita del califa, Subh, madre de los sos fíos.[9] Gracies a esta proteición y a la so eficiencia, atropó rápido numberosos cargos.[10]
Mientres el califatu d'Alhakén II,[nota 2] ocupó importantes cargos alministrativos, como los de direutor de la ceca (967), alministrador de la favorita del califa y de los sos fíos y de los heriedos intestadas o intendente del exércitu del xeneral Gálib (973).[11][12] La muerte d'esti califa nel 976 marcó l'empiezu de la dómina califal apoderada pola so figura, que siguió más allá de la so muerte col gobiernu de dos de los sos fíos, primero Abd al-Málik al-Muzáffar y depués Abd al-Rahman Ibn Sanchul, hasta 1009.[13] Como chambelán del califatu (dende'l 978), exerció un poder estraordinario nel Estáu andalusí, en tola península ibérica y en parte del Magreb, mientres el califa Hisham quedaba apostráu por Almanzor.[14]
Recibió'l sofitu pragmáticu de les autoridaes relixoses al so control del poder políticu, ensin qu'ello evitara tensiones periódiques ente'l caudiellu y aquelles.[15] La base del so poder taba na defensa de la yihad que,[16] al nun ser califa, tenía de proclamar en nome d'este.[17] La so imaxe de paladín del islam sirvía pa xustificar la so asunción de l'autoridá gubernamental.[16] Atropando'l dominiu políticu nel califatu, llevó a cabu fondes reformes tantu na política esterior como na interior.[18]
Realizó numberoses y victorioses campañes tantu nel Magreb como na península ibérica.[19] Na península les sos incursiones contra los reinos cristianos, conocíes como aceifas, solo llograron detener temporalmente la meyora d'estos escontra'l sur. A pesar de los sos abondosos trunfos militares, apenes recuperó territoriu.[19]
Error de cita: Esisten etiquetes <ref>
pa un grupu llamáu "nota", pero nun s'alcontró la etiqueta <references group="nota"/>
correspondiente