Aniellu

L'aniellu^[1] ye un aru con más o menos decoración que s'utiliza como adornu de los deos de les manes. L'aniellu completu compónse de trés partes:

• l'aru
• el chatón o parte más o menos plana
• la xema o piedra preciosa (asitiada sobre'l chatón) la cual de cutiu sustituyese por vidriu o esmaltes de menor categoría qu'intenten asonsañala, o por un grabáu buecu que sirvía de sellu pa autentificar documentos.

La xema suel tar decorada con entalles o relieves y cuando nun esiste, el chatón lleva, polo xeneral, lletres o figures grabaes. Pola forma de les figures qu'ostenten el chatón o la xema reconoz la procedencia del aniellu.

L'aniellu non siempres lleva xemes, pudiendo ser llisu, curvado o d'otra forma según el diseñador. Los aniellos pueden ser realizaos en distintos tipos de metales. Los más solicitaos facense n'oru o plata. L'aniellu de bodes, llamáu tamién alianza de matrimoniu, ye un aru de normal llisu nel cual, y na parte interior, grábense los nomes de quien contraen matrimoniu. Esti aniellu suel faese n'oru, siendo la pureza del oru de 18 quilates n'España, 22 o 24 nos países árabes y de menor n'otros países como Alemaña.

1. ↑ Esti términu apaez nel Diccionariu de l'Academia de la Llingua Asturiana. Ver: aniellu