Back Klassieke Oudheid Afrikaans كلاسيكية قديمة Arabic Antigüedá clásica AST Antik Azerbaijani Антиклыҡ Bashkir Antike BAR Антычнасць Byelorussian Антычнасьць BE-X-OLD Античност Bulgarian क्लासिकल एंटिक्विटी Bihari
Der Begriff Antike isch abgleitet vom latinische antiquus, uf Dütsch: »alt, alterdümlig«. Gschichtswüsseschaftler meine drmit die gschichtlig erfassbari Zit vo de Kulture ums Middelmeer und im Middlere Oschde bis ungfähr zum Afang vo dr Verbreitig vom Islam.
D Antike im ängere Sinn bezieht sich uf d Gschicht vo Griecheland, im hellenische Middelmerruum und em römische Riich. Si underscheidet sich vo dr Zit vorher und nochher und vo andere Regione dur gemeinsami politischi und kulturelli Draditione.
Im wiitere Sinn redet mä mänggisch vo dr Antike, wenn mä d Gschicht vom alten Ägypte, vo Mesopotamie, Syrie, Persie und Chliiasie sit em vierte und dritte Johrdusig vor dr Zitewändi meint, vo wenn mä schriftligi Dokumänt het. Im allgemeine wird dr Begriff ‚Alterdum’ für die Zit vorzoge.