Aphrodisiakum

En Afrodisiakum isch e Middel zum d Libido belääbe oder stäigere. Es wirkt spezifisch räizend und aaregend uf s sexuelle Verlange, s sexuelle Lustempfinde und mänggisch au uf d Gschlächtsorgan. Dr Name chunnt us em griechische und isch vo Aphrodite abgläitet, dr Göttin vo dr Liebi. Dere zu Eere het dr Aphrodite-Kult s Fest Aphrodisia gfiirt und noch ere isch die antiki Stadt Aphrodisias benennt worde. Eme Middel, wo gegesätzlig wirkt, säit mä Anafrodisiakum.

Die mäiste dradizionelle Middeli, wo s au hüte no Lüt git, wo dra glaube, ass si iir Verlange wurde stäigere, nütze nüt. Aber Forscher, wo die wüsseschaftligi Litratur analüsiert häi, si zum Schluss choo, ass zum Bischbil Ginseng, Safran und Yohimbin d Sexualfunkzion verbessere und Muira Puama und Schoggi d Lust bim Mensch chönne stäigere.^[1]

Hormon wie z. B. DHEA (Dehydroepiandrosteron), Pheromon, Oxytocin, PEA (Phenethylamin), Estrogen, Testosteron, Serotonin, Dopamin, Progesteron, Prolactin oder Vasopressin beiiflusse s sexuelle Verhalte uf underschiidligi Art, aber en äinzelne Stoff, wo as Afrodisiakum wirkt und alli sexuelle Broblem lööst, git s nit.

1. ↑ J. P. Melnyk, F. M. Massimo: Aphrodisiacs from plant and animal sources—A review of current scientific literature. In: Food Research International. 44, Nr. 4, 2011, S. 840-850