![]() | Ĉi tiu artikolo temas pri organizita grupo de personoj. Koncerne aliajn signifojn aliru la apartigilon Asocio (apartigilo). |
Asocio (foje ankaŭ volontula, idealisma aŭ memvola asocio) estas grupo de homoj, kiuj kuniĝis por komuna celo (ekzemple praktikado de hobio aŭ plibonigo de la mondo). Ĝi havas propran nomon kaj fiksas siajn celojn en statuto. Kontraŭe al firmaoj, asocioj kutime ne celas financan profiton. Tamen ekzistas ankaŭ asocioj kun financaj celoj.
Se la asocio ne pagas salajrojn, repagon de elspezoj, aŭ eĉ iom vivtenaj monsumetojn, al ties aktivuloj, ĉar ili ne estas dungitoj kaj agas honorofice, tiu nomiĝas volontula asocio.
En multaj landoj ekzistas leĝoj por reguligi la laboron de asocioj.