Avantgarde

Dr Begriff Avantgarde stammt ursprünglig us em Sproochschatz vom franzöösische Milidäär und bezäichnet d Voorhuet, also dä Drubbedäil, wo vorus isch und esoo as erste mit em Find in Berüerig chunnt.

Im überdräite Sinn verstoot mä under Avantgarde bolitischi und künstlerischi Beweegige, mäistens sonigi us em 20. Joohrhundert, wo alli e starki Orientierig an dr Idee vom Fortschritt häi und sich dur e bsundrigi Radikalidäät gegenüber de bolitische Verheltniss oder de vorherrschende esthetische Norme uszäichne.