Die BRDM-2 (Russiesː Boyevaya Razvedyvatelnaya Dozornaya Mashina, Боевая Разведывательная Дозорная Машина, letterlik "Gevegspatrollievoertuig")[1] is 'n amfibiese pantsermotor wat deur die Sowjetunie en bondgenote gebruik is. Dit was ook bekend onder die benamings BTR-40PB, BTR-40P-2 en GAZ 41-08. Hierdie voertuig, soos baie ander Sowjet-ontwerpe, is omvattend uitgevoer en word in minstens 38 lande gebruik. Dit was bedoel om die ouer BRDM-1 te vervang, en het verbeterde amfibiese vermoëns en beter bewapening in vergelyking met sy voorganger.