Back Laco Balaton AN بالاتون Arabic Llagu Balatón AST Balaton gölü Azerbaijani Балатон Bashkir Балатан Byelorussian Балатон BE-X-OLD Балатон Bulgarian বালাতন হ্রদ Bengali/Bangla Lenn Balaton Breton
| Balaton (Blattesee/Plattensee) | ||
|---|---|---|
| ||
| Balatonfüred vù Tihany uss gseh | ||
| Geographischi Lag | Komitat Somogy, Veszprém ùn Zala (Dransdanubie, Ungarn) | |
| Zueflüss | Zala | |
| Abflüss | Sió csatorna | |
| Date | ||
| Koordinaten | 46° 46′ 56″ N, 17° 33′ 46″ O | |
| ||
| Höchi über em Meeresspiegel | 104 m | |
| Flechi | 594 km² | |
| Seebreiti | 1,3-14 km | |
| Volume | 1,93 km³ | |
| Umfang | 195 km | |
| Maximali Diefi | 12,5 m | |
| Mittleri Diefi | 3-3,6 m | |
De Balaton (ungaarischi Usssprooch: [ˈbɒlɒton], mìt sinnem düttsche Name Blattesee (Plattensee), Latinisch Lacus Pelso; Spìtzname: magyar tenger = "ungaarischs Meer") isch de gröscht See vù Mìtteleuropa ùn e Gwässer, wùù d'Landschaft vù Ungarn mìt bräägt. Wie au de Fertő-tó ùn de Velencei-tó isch's e Steppesee ùn de am witteste westlig gläge See vù derre Art z Eurasie. Sinni Breiti variiert zwüsche 1,3 ùn 14 Kilometer ùn lìt ìm Durchschnìtt bi 7,8 km, d'Flächi isch 594 Quadratkilometer.
S östlig Becke wird vù de Tihanyer Halbinsle vùm westlige abdrännt. Ìm Sǜǜde isch s Ùùfer flacher wie am nördlige Rand, wùù sich s Wiiland vù Badacsony, s Becke vù Tapolca ùn di vulkanische Bärg erstrecke. De See, wùù an einzelne Stelle au d'Möögligkeit zùm Fischfang bietet, stellt s näbe de ungaarische Hauptstadt Budapest bliebtest Touristeziil vùm Land daar. Doodezüe drage au d'Heilbäder ùn Thermalquelle ìn sinner Ùmgebig bii, wie au s Segeldurnier Kékszalag Nemzetközi Vitorlás Verseny.