Charles Manson![]() | |
---|---|
![]() | |
Vida | |
Nacimientu | Cincinnati[1], 12 de payares de 1934[2] |
Nacionalidá |
![]() |
Residencia |
Rancho Spahn (es) ![]() |
Muerte | Bakersfield[1], 19 de payares de 2017[3] (83 años) |
Causa de la muerte |
cáncanu colorreutal paru cardiorrespiratoriu |
Familia | |
Casáu con |
Rosalie Willis (en) ![]() Leona Stevens (en) ![]() |
Fíos/es | 3 |
Estudios | |
Estudios |
National Training School for Boys (en) ![]() Arroyo High School (en) ![]() Gibault School for Boys (en) ![]() Pasadena City College (en) ![]() |
Llingües falaes | inglés |
Oficiu | criminal, líder de secta, asesín en serie, músicu |
Altor | 157 cm |
Instrumentu musical | guitarra |
Creencies | |
Relixón | ateísmu |
IMDb | nm0543909 |
charlesmanson.com | |
![]() | |
![]() |
Charles Milles Manson (12 de payares de 1934, Cincinnati – 19 de payares de 2017, Bakersfield)[4] foi un famosu criminal y músicu d'Estaos Xuníos, conocíu por liderar lo que se conoció como «la Familia Manson», un grupu de siguidores de Manson que surdió nel desiertu de California a finales de los años 60. En 1971, foi declaráu culpable de combalechadura por cometer los asesinatos de siete persones: l'actriz Sharon Tate y otros cuatro persones na casa de Tate, en Beverly Hills, y a otru día, d'un matrimoniu, Leno y Rosemary LaBianca;[5] tou lleváu a cabu polos miembros del grupu, que siguíen instrucciones de Manson. Los sos siguidores asesinaron a distintes persones n'otros momentos y llugares; Manson foi declaráu culpable de dos asesinatos: los asesinatos de Gary Hinman y Donald «Shorty» Shea.[6]
Manson creía no qu'él mesmu llamó Helter Skelter, un términu que tomó del cantar «Helter Skelter» de la banda The Beatles. Manson interpretó que'l cantar falaba d'una hipotética guerra racial ente negros y blancos que, según él, averábase. El títulu del cantar apaeció escritu con sangre na escena d'unu de los crímenes ordenaos por Manson. Él creía que los asesinatos podríen ayudar a bastiar dicha guerra racial. N'Estaos Xuníos haise mitificado a Charles Manson como emblema de la llocura, la violencia y lo macabro. El términu Helter Skelter foi utilizáu más palantre pol fiscal del xuiciu de Manson, Vincent Bugliosi, como títulu del llibru qu'escribió sobre los asesinatos de Manson.[7]
Nel momentu que «La Familia Manson» empezó a formase, Manson yera un exconvicto que pasara la metá de la so vida n'instituciones correccionales por una variedá de delitos. Antes de los asesinatos, foi músicu underground en Los Angeles, principalmente gracies a la so asociación casual con Dennis Wilson, batería y cofundador de The Beach Boys. Dempués de que Manson fuera acusáu de los delitos de los que foi condergáu darréu, fueron publicaes grabaciones de cantares escritos ya interpretaes por él. Dellos músicos inspiráronse en Manson pa componer cantares o fixeron versiones de dalguna de los sos cantares, ente ellos Guns N' Roses, White Zombie, Devendra Banhart, System of a Down, Scars on Broadway y Marilyn Manson.[8]
Manson foi sentenciáu a muerte, pero la decisión foi conmutada automáticamente a cadena perpetua cuando en 1972, una decisión de la Corte Suprema de California esanició temporalmente la pena de muerte nel estáu.[9]
El direutor Quentin Tarantino anunció a mediaos de 2017 que la so próxima película va cuntar la hestoria de los crímenes de Manson y la so "familia", ente otres temes rellacionaes col añu 1969.[10][11]
Manson finó'l domingu 19 de payares de 2017 en Bakersfield, California por cuenta de causes naturales.