Cigoli | |
---|---|
![]() | |
Persona informo | |
Naskiĝo | 22-an de septembro 1559 en Cigoli |
Morto | 18-an de junio 1613 (53-jaraĝa) en Romo |
Lingvoj | itala |
Ŝtataneco | Italio ![]() |
Okupo | |
Okupo | pentristo desegnisto skulptisto arkitekto poeto ![]() |
Lodovico CARDI (21a de septembro 1559 – 8a de junio 1613),[1] konata ankaŭ kiel Cigoli, estis itala pentristo kaj arkitekto de la fino de la periodo de Manierismo kaj komenco de la periodo de Baroko, trejnita kaj aktiva en sia ekkariero en Florenco, kaj kiu vivis la lastajn naŭ jarojn de sia vivo en Romo.
Lodovico Cardi naskiĝis en Villa Castelvecchio di Cigoli, submunicipo de San Miniato, en Toskanio, de kie eliris la nomo laŭ kiu li estas ofte konata. Dekomence, Cigoli trejniĝis en Florenco sub instruo de arda manieristo Alessandro Allori. Poste, influita de la plej elstara el la "Kontraŭ-Manierismaj" pentristoj, nome Santi di Tito, same kiel de Barocci, Cigoli lasis manierismon kaj trempis siajn pentraĵojn per ekspresionismo ofte mankanta el la 16a-jarcenta florenca pentrarto.
Por la roma patrono, Massimo Massimi, li pentris Ecce Homo[2] (nunu en Palazzo Pitti). Supozite nekonate por ajna el la pentristoj, du aliaj elstaraj tiutempaj pentristoj, nome Domenico Passignano kaj Caravaggio, ricevis komisiojn de olepentraĵojn pri la sama temo. Tiu verko estis poste portita de Napoleono al Luvro, kaj estis redonita al Florenco en 1815.
Unu el liaj fruaj pentraĵoj estis pri Kaino murdante Abelon. Li poste enposteniĝis ĉe la Grand-Duko en kelkaj verkoj por la Palazzo Pitti, kie li pentris Venuso kaj Satiruso kaj Buĉofero de Isaak.