Kaart | Wapen |
![]() | |
![]() | |
Vlag | |
![]() | |
Land | ![]() |
Deelstaat | ![]() |
Koördinate | 25°25′S 49°16′W / 25.417°S 49.267°W |
Gestig op | 29 Maart 1693 |
Oppervlakte: | |
- Totaal | 430,9 vk km |
Hoogte bo seevlak | 934,6 m |
Bevolking: | |
- Totaal (2020) | 1 948 626 |
- Bevolkingsdigtheid | 4 062/vk km |
Tydsone | UTC -3 (BRT) |
Burgemeester | Rafael Greca (DEM) |
Amptelike webwerf | Curitiba |
Curitiba is die hoofstad van die Suid-Brasiliaanse deelstaat Paraná met 'n oppervlakte van 430,9 vierkante kilometer en 1 948 626 inwoners (2020). Curitiba is die grootste stad in Suid-Brasilië en beskik oor 'n versameling aan museums, kunsgalerye, teaters, media-ondernemings, internasionale organisasies en korporasies, en effektebeurse, en is 'n sentrum vir politiek, vermaaklikheid, en kultuur van die Brasiliaanse suide.
Curitiba is een van die vinnigste groeiende metropolitaanse gebiede in die land. Die stad, wat in 1693 gestig is, bestaan uit 'n funksionele middestad met wolkekrabbers wat deur woonbuurte en nywerheidsgebiede omring word. Curitiba word danksy sy moderne en doeltreffende openbare vervoerstelsel, toekomsgerigte stadsbeplanning en hoë lewensgehalte as 'n modelstad vir ander Derde-Wêreld-metropole beskou. Ter geleentheid van die Verenigde Nasies se Wêreld-Habitat-Dag in Bonn is op 6 Oktober 1997 die World Habitat Award aan Curitiba toegeken. Curitiba se Estádio Vila Capanema is tydens die FIFA Sokker-Wêreldbekertoernooi in 1950 vir wedstryde ingespan, terwyl tydens die FIFA Sokker-Wêreldbekertoernooi in 2014 van die Arena da Baixada gebruik gemaak is.