Unta Diafnvalinkung (deep linking oda deep link) vasteht ma a Vaknipfung im Internetz, de wo auf a Untaseitn, a Datei, an oanzlnan Artikl oda direkt auf a offans Vazeichnis vaweist. Im Untaschied dazua moant a Owaflächnvalinkung (surface linking oda surface link) de Vaknipfung mit da Hoamseitn bzw. Hauptseitn vo da Netzpresenz.
De Diafnvalinkung is rechtlich umstrittn, wei beispuisweis duach Hotlinking oanzlne Fotos oda Netzinhoite aussaglest wean kenna, ohne dass a Hiweis aufn Kontext gmocht wead. Bei Netzseitn de wo mit Frames aufbaut san, ko des gonze Design, de Navi, s Impressum und da Copyright-Hiweis duach de Diafnvalinkung vaschwindn. Des ko ma zwoa duach Javascript umgeh, des wead owa oft vanochlässigt.
Duach Session-IDs ko ma Hotlinking untabindn.
Da Bundesgerichtshof hod de Diafnvalinkung grundsätzlich fia zualässi eakleat. Des Umgeh vo Moßnohma zua Zuagriffsbeschränkung, wia z. B. Session-IDs, wead owa ois Urhebarechtsvaletzung gweatet.[1]