Dijo | |
ĉeĥe Dyje, germane Thaya | |
rivero | |
Kanjono de Dijo en Nacia parko Podyjí
| |
Landoj | ![]() ![]() |
---|---|
Regionoj | Malsupra Aŭstrio Aŭstrio, Sudmoravia regiono Ĉeĥio |
Ĉefa fontrivero | Aŭstria Dijo |
- alteco | 410 m |
- koordinatoj | 48° 50′ 52″ N 15° 29′ 25″ O / 48.84778 °N, 15.49028 °O (mapo) |
Apuda fontrivero | Moravia Dijo |
Enfluejo | Moravo |
- situo | ĉe Lanžhot |
- alteco | 148 m |
- koordinatoj | 48° 37′ 00″ N 16° 56′ 25″ O / 48.61667 °N, 16.94028 °O (mapo) |
Suma longo | 235,4 km (146 mi) inkluzive de Aŭstria Dijo 311 km |
Suma akvokolektejo | 13 419 km² (1 341 900 ha) |
Trafluo | |
- mezproksima | 43,9 m³/s |
Hidrologia vico | 4-14-02-001 |
Situo de enfluejo enkadre de Ĉeĥio
| |
![]() | |
Dijo (ĉeĥe Dyje, germane Thaya) estas signifa rivero fluanta parte en suda kaj sudokcidenta Moravio kaj parte en la norda Malsupra Aŭstrio, kelkloke konsistiganta la limon inter la Ĉeĥa Respubliko kaj Aŭstrio. La rivero enfluas de dekstre en Moravon; ĝia enfluejo konsistigas la limpunkton inter Aŭstrio, Ĉeĥio kaj Slovakuio. Ĝi havas du fontajn riverojn, la "germanan" kaj la "moravian" Dyje/Thaya, kaj tiuj fontaj riveroj kunfluas ĉe Raabs an der Thaya en Aŭstrio. Poste, la rivero alfluas en la teritorion de la Ĉeĥa respubliko, la longeco de ĝia fluo estas 306 km. En la rivero estas jenaj akvaj rezervujoj ĉe urboj: Vranov – Znojmo – Nové Mlýny u Mušova.
En montaretregiono de Jevišovice, kio estas orienta parto de Bohema-Moravia montetaro, ĝi kreas profundajn valojn, tra kiuj ĝi celas unue sub Podhradí nad Dyjí (historie ĉeĥe Frejštejn, germane Freistein an der Thaya) ĝis valbaraĵo kun digo ĉe Vranov nad Dyjí (germane Frain an der Thaya), sub Chvaletice ĝi ŝanĝas direkton al sudoriento. Ekde Vranov ĝis Znojmo ĝi fluas senĉese al sudoriento, pli malfrue ĝi ŝanĝas direkton al nordoriento. Ĉe la unua rezervujo ĉe Nové Mlýny u Mušova (germane Neumühl und Muschau) estas artefarite kreitaj sistemoj de insuletoj, servantaj kiel nestejoj kaj kunvenlokoj de akvaj birdoj. En Dolnomoravský úval estas vico da mortaj branĉoj de la rivero. Sude de Lanžhot akompanas la riveron malnovaj herbejaj praarbaroj kun nestejoj de birdoj. En kunflueja teritorio de Dyje kun rivero Morava estas signifa grandmoravia burgejo Pohansko kun muzeo en ĉasista kasteleto.
Publikaj kampadejoj estas sur bordoj de valbaraĵo ĉe Vranov nad Dyjí (germane Frain an der Thaya).