Drupadi

Dropadi

द्रौपदी
Dropadi (pinaka sairandri) sane makta arak ka genahne Kicaka. Lukisan India karya Raja Ravi Varma, nyaritacang satua saking naskah Wirataparwa.
Tokoh Mahabharata
Wastan	Dropadi
Ejaan Déwanagari	द्रौपदी
Ejaan IAST	Draupadī
Wastan liyanan	Kresna; Pancali; Yadnyaseni; Malini; Sairandri; Drupadakania; Parsati; Nityayuwani
Kitab pustaka	Mahabharata, Bhagawatapurana
Saking	Kampilya, kerajaan Panchala
Genah	Hastinapura, kerajaan Kuru
Kasta	kesatria
Aji	Drupada
Nyama	Drestadyumna, Srikandi
Rabi	Pancapandawa: Yudistira Bima Arjuna Nakula Sadewa
Okan	Pancakumara: Pratiwindya Sutasoma Satanika Srutasena Srutakarma

Drupadi (Déwanagari: द्रौपदी; ,IAST: Draupadī,; ejaan alternatif: Drupadi) utawi Pancali (Déwanagari: पांचाली; ,IAST: Pānchālī, पांचाली) utawi Yadnyaseni (Déwanagari: याज्ञसेनी; ,IAST: Yajñasenī, याज्ञसेनी), inggih punika silih tunggil tokoh saking wiracarita Mahabharata. Dané putri Drupada, raja ring keraton Panchala. Dané masemeton sareng Drestadyumna miwah Srikandi. Manut ring kitab Mahabharata saking India, Drupadi madue rabi lelima sane mawasta Pandawa, tur madue putra lelima. Asiki saking asing-asing rabi. Makalalima putran dane punika mawasta "Pancakumara". Nanging ring tradisi pewayangan Jawa, dane wantah madue rabi asiki inggih punika Yudistira, tur putra asiki mawasta Pancawala.

Ring Mahabharata kasurat indik Drestadyumna embas saking geni yadnya sané kalaksanayang olih Drupada. Arjuna, silih tunggil sekaa Pandawa sané polih jayanti sayembara ngrebutang Drupadi tur nglaksanayang pawiwahan. Nanging pamuputné Drupadi ngamargiang pawiwahan sareng Panca Pandawa mawinan pikobet saking ibu Kunti.