Drusen

D Druuse (arabisch دروز‎, DMG Durūz), offiziell mäistens Madhhab at-Tauhīd (arabisch مذهب التوحيد‎, DMG maḏhab at-tauḥīd ‚Leerrichdig vo dr göttlige Äihäit‘) si e Religioonsgmäinschaft im Nooche Oste. Druuse lääbe hüt vor allem in Sürie (öbbe 700'000), im Libanon (öbbe 280'000), in Israel (125'300, also 1,63 % vo dr Bevölkerig im Joor 2004) und e Hämpfeli au z Jordanie.^[1]

D Religioonsgmäinschaft isch im früeje 11. Joorhundert in Egüpte entstande, wo si sich vo dr ismailitische Schia abgspaltet häi. Iire Gründer isch dr messianistisch Missionäär Hamza ibn Ali ibn Ahmad, us Ostiran gsi, wo die koranisch Offebaarig und iiri ismailitisch Dütig abgleent het. S Bekenntnis vo dr Äinzighäit vo Gott (tauhīd) wurd alli gottesdienstlige Handlige überflüssig mache.

1. ↑ Statistical abstract of Israel – Population by religion. 2010. Archiviert vom Original am 13. März 2016; abgruefen am 5. März 2016.