Ermita

Ermita
Distrito ti Manila
Puseg ti ili ti Ermita
Ipakita ti mapa ti Ermita Ipakita ti ladawan a mapa ti Ermita Ermita Ipakita ti mapa ti Filipinas
Nagsasabtan: 14°34′59″N 120°58′59″E Nagsasabtan: 14°34′59″N 120°58′59″E
Pagilian	Filipinas
Kalawa
• Dagup	1.59 km2 (0.61 sq mi)
Kangato	9 m (30 ft)
Populasion  (Mayo 1, 2010)
• Dagup	7,143
• Densidad	4,500/km2 (12,000/sq mi)
[urnosen iti Wikidata]

Ti Ermita ket ti maysa a distrito iti Manila, Filipinas. Mabirukan iti tengnga a parte ti siudad, ti distrito ket nagruna a sentro ti pinasia, edukasion, kultura, ken komersio. Agserbi ti Ermita a kas ti sentro ti sibiko iti siudad ke ayan ti tugaw ti gobierno ti siudad ken ti maysa a dakkel a paset ti pagtrabahuan, negosio, ken dagiti aktibidad ti paglinglingayan iti lugar.

Agrang-ay dagiti opisina a pribado ken gobierno, dagiti museo, ken dagiti unibersidad iti Ermita. Daytoy ket pagtaengan pay dagiti nadayeg a pagpasiaran dagiti turista ken dagiti dulon ti daga, a naipangpangruna ti Parke Rizal, ti kangrunaan a nailian a parke ti Filipinas.

Iti kasisigud, ti Ermita ken ti kaarrubana a distrito iti Malate ket dagidi nabaknang a kaarrubaan para kadagiti nabaknang a kagimongan iti Manila idi las-ud ti nasapa a maika-20 a siglo nga ayan idi a nagtakderan dagiti dakkel ken napintas a mansion. Dagsanggasat met, ti Ermita ken dagiti kaarrubayanna ket nakaro idi a nabomba idi las-ud ti Maikadua a Gubat ti Sangalubongan kalpasan idi nagbalin a pagbabakalan idi las-ud ti Panangpapatay iti Manila. Kalpasan ti gubat, ti Ermita ken ti kasinginna a distrito, ti Malate, ket nagbalin a sentro ti komersio kas resulta ti panagbaliw a kas maysa a nabaknang a suborbio iti maysa a maipapan iti komersio a distrito.