Escopeta

Una escopeta (términu d'orixe italianu: schioppetto) ye un arma de fueu, d'ánima llisa o rayada, de mano, y que se sostién contra'l costazu, diseñada pa descargar dellos proyeutiles (pequeñes esferes, municiones conocíes como perdigones) en cada disparu.

Trátase d'un tipu d'arma llixera utilizada sobremanera en caza menorsobremanera p'aves, coneyu, llebre, y en competiciones de tiru al platu y al pichón. Les escopetes utilizaes na caza mayor o destinaes a usos de policía o propósitos militares empleguen cartuchos con un solu proyeutil de punta cónica (cartuchu Brenneke) o con perdigones de mayor tamañu.

Les escopetes, en combate, al disparar proyeutiles múltiples, esto ye, una "nube" de perdigones al empar con cada disparu, dexen atinar con facilidá a curtia distancia, anque seya con parte de los perdigones, siendo un impautu de llenu demoledor. El poder de detención d'un disparu a curtia distancia ye enorme. Al dir "abrir" la nube de perdigones puede atinase a más d'un blancu al empar, si tán xuntos, a dos a unos 15 m y a 3 a unos 35 m. La dispersión de los perdigones, y la rápida perda de velocidá, faen que'l disparu pierda eficacia rápido a más de 50 m.