Establishment (änglisch establishment [ɪˈstæblɪʃmənt] ‚Iirichdig‘, ‚organisierti Körperschaft‘) bezäichnet e Miliöögrubbierig oder Klass, wo wirtschaftlig, politisch und gesellschaftlig iiflussriich isch: en etablierti Elite. Dr Begriff het mäistens Konotazioon, wo kritisch bis abläänend isch.
Dr Usdruck isch vor allem dur d Juuged- und Studäntebeweegig vo de middlere 1960er Joor as Schlagwort für d Chreft brucht worde, wo an dr Macht gsi si und wo alles gmacht häi, zum iiri Macht z befestige und die nid-briwilegierte Schichte z underdrucke. Im Lauf vo dr 68-Beweegig isch er e ständigs Schlagwort gsi, z. B. vo de „Republikanische Klub“, wo dennzumol entstande si.