Una facera[1][2][3] u alera[2] son os nombres tradicionals que se les da, en Aragón, a las extensions de prato u estiva de muga entre dos u mas termins sobre as cuals i tiene dreitos d'expleitación os habitadors de dreito d'ixes dos (u mas) lugars.
A facera ye una figura de litichio frecuent en a historia, pus por a suya peculiar naturaleza de co-propiedat compartida tiende a dispertar intreses contrarios, y sobre a cual se troba una extensa literatura churidica dende o Dreito medieval aragonés, que s'agrupa comunment baixo o nombre colectivo de «Dreito d'alera» u «de solera»[2]. En o vecino reino de Navarra recibiban o nombre romance de facería[3] y a rama d'o dreito que as tracta, «Dreito de facería».