Back Phidias ALS فيدياس Arabic فيدياس ARZ Fidi Azerbaijani Фидий Bashkir Фідый Byelorussian Фидий Bulgarian Fidias Breton Fidija BS Fídies Catalan
Fidies | |
|---|---|
 | |
| Vida | |
| Nacimientu | Atenes, circa 500 de edC[1] |
| Nacionalidá | Antigua Atenes |
| Muerte | Antigua Atenes y Olimpia, 430 de edC[1] (69/70 años) |
| Familia | |
| Padre | Charmides |
| Fíos/es |
Fidias the Younger (en)  |
| Hermanos/es | |
| Estudios | |
| Llingües falaes | griegu antiguu |
| Alumnu de |
Hegias (es) Agéladas (es) |
| Profesor de |
Agorácrito (es) |
| Oficiu | escultor, arquiteutu, pintor |
| Trabayos destacaos |
Estatua de Zeus n'Olimpia Atenea Promacos (es) Atenea Lemnia (es) Atenea Partenos (es) Aphrodite Urania statue at Elis (en) Athena statue at Elis (en) Statue of youth binding his head (en) |
 | |
Fidies[3] (circa 500 de edC, Atenes – circa 430 de edC, Antigua Atenes y Olimpia) foi'l más famosu de los escultores de l'Antigua Grecia, amás de pintor y arquiteutu.
Fidias, que s'encuadra na etapa conocida como «primer clasicismu griegu», diseñó les estatues de la diosa Atenea na Acrópolis d'Atenes (Atenea Partenos, dientro del Partenón, y Atenea Promacos), y la estatua de Zeus en Olimpia.
Les obres atenienses fueron aparentemente encargu de Pericles en 447 e.C. Ye posible que Pericles usara'l dineru de la Lliga de Delos pa paga-y, magar esto nun ye seguru.
Conócense pocos detalles de la vida de Fidias. Sábese que nació n'Atenes pocu dempués de la batalla de Maratón. Tiénense diversos rellatos sobre la so formación. Hegias d'Atenes, Agéladas de Argos, y el pintor de Tasos Polignoto, fueron toos ellos consideraos maestros sos. A favor de Agéladas puede dicise que la influencia de les munches escueles dories puede verdaderamente atopase en parte de la so obra. Aprendió la téunica del bronce na escuela d'Argos con Agéladas, al empar que Mirón y Policleto. Al paecer, la so actividá artística empieza en 464 e.C.. De la so vida sábese pocu más amás de les sos obres. Pausanias, sicasí, menta a dos de los sos estudiantes, que tamién fueron los sos eromenoi. Unu ye Agorácrito quien ye tamién conocíu pola so escultura de Némesis en Ramnunte.[n. 1] Otru amáu, inclusive más estrechamente rellacionáu col escultor, ye Pantarces, un mozu eleo y ganador del combate de llucha xuvenil nes 86as Olimpiaes en 436 e.C. Pausanias informa d'una tradición según la cual el mozu foi'l modelu pa una de les figures esculpíes nel tronu del Zeus Olímpicu. Otra tradición, narrada por Clemente d'Alexandría, presenta a Fidias tallando «Kalos Pantarkes» («Pantarkes ye guapu») nel deu corazón del dios.
Dalgunes de les sos obres sobreviven presuntamente al traviés de copies romanes, y de fragmentos orixinales atribuyíos a él, o son en base conjeturales. De la mesma manera, la so muerte ye centru de discutiniu y nun se saben les causes que la pudieron provocar. A pesar de la cuasi total ausencia de datos concretos sobre la so vida, Fidias ye consideráu unu de los fundadores y unu de los meyores esponentes del Altu clasicismu na escultura, y reconocíu unánimemente como unu de los escultores más importantes d'Occidente.[4]
- ↑ 1,0 1,1 Identificador d'autoridá de la Biblioteca del Congresu d'EEXX: nr89017947.
- ↑ Afirmao en: De gloria Atheniensium. Sección, versículu o párrafu: 346a. Llingua de la obra o nome: griegu antiguu. Autor: Plutarcu.
- ↑ En griegu antiguu, Φειδίας / Pheidias.
- ↑ Phidias. Encyclopædia Britannica Online. 19 May. 2009
Error de cita: Esisten etiquetes <ref> pa un grupu llamáu "n.", pero nun s'alcontró la etiqueta <references group="n."/> correspondiente