Funk | ||
---|---|---|
![]() | ||
Oríxenes musicales | Plantía:Llista horizontal | |
Oríxenes culturales | Mediaos de los 1960, Estaos Xuníos | |
Instrumentos comunes | Baxu llétricu, batería, guitarra llétrica, teclado (clavinet hohner, sintetizador, órganu Hammond), vientu, congues | |
Popularidá | Media-Alta, dende los sos entamos hasta l'actualidá derivaos = Discu, hip hop, afrobeat, post-discu, electro, boogie, new wave, R&B contemporaneu, post-punk, neo soul, french house, new jack swing, dance-pop | |
Fusiones | ||
Plantía:Llista horizontal | ||
[editar datos en Wikidata] |
El funk ye un xéneru musical que nació ente mediaos y finales de los años 1960 cuando músicos principalmente afroamericanos fundieron soul, jazz, ritmos llatinos (mambo, por casu) y R&B dando llugar a una nueva forma musical rítmica y bailladera. El funk amenorga'l protagonismu de la melodía y de la harmonía y dota, a cambéu, de mayor pesu a la percusión y a la llinia de baxu llétricu. Los cantares de funk suelen basase nun vamp (una figura, seición o acompañamientu repitíos) estendíu sobre un solu acorde, estremándose del R&B y el soul, más centraos alredor de la progresión d'acordes.
Como bona parte de la música d'influencia africana, el funk suel construyise sobre un groove complexu creáu a partir de preseos rítmicos como la guitarra llétrica, el baxu llétricu, el órganu Hammond y la batería, que toquen ritmos enxareyaos. Los grupos de funk tienen n'ocasiones una seición de vientu formada por dellos saxos, trompetes y, dacuando, un trombón, que toquen "hits" rítmicos.
Munches de les más famoses bandes del xéneru tamién tocaron música discu y soul. El funk foi una influencia decisiva nel desenvolvimientu de la música discu y del afrobeat. Per otra parte, los samples de funk fueron utilizaos de manera xeneralizada en xéneros como hip hop, house y drum and bass. Tamién tuvo una influencia capital nel go-go.