Gaele | |
---|---|
![]() An Gal Gréine, 'n tradisionele Gaeliese simbool, die eerste keer genoem in die Fiannaíocht. | |
Totale bevolking: | ca. 1,9 miljoen (linguisties) |
Belangrike bevolkings in: | ![]()
|
Taal: | Iers-Gaelies • Skots-Gaelies • Manx-Gaelies (Nie-Gaelies: Engels • Spaans • Skots) |
Geloofsoortuiging: | Christendom • ongebonde (histories: Paganisme) |
Verwante etniese groepe: | Noors-Gaele • Oud-Engelse in Ierland |
Die Gaele (Iers-Gaelies: Na Gaeil, [ɡeːl]; Skots-Gaelies: Na Gàidheil, [ˈkɛː.el]; Manx-Gaelies: Ny Gaeil, [ge:l]), ook bekend as die Goidels, is ’n etnolinguistiese groep wat inheems is aan Noordwes-Europa. Hulle word verbind met die Gaeliese tale, ’n tak van die Keltiese tale wat Iers-Gaelies, Manx-Gaelies en Skots-Gaelies insluit. Soms word hulle ook Iere of Skotte genoem, maar die omvang van laasgenoemde nasionaliteite is vandag veel meer kompleks.
Die Gaeliese tale en kultuur het in Ierland ontstaan en daarna versprei na Dál Riata in Suidwes-Skotland. In die Middeleeue het hulle ’n oorheersende bevolking in Skotland en op die eiland Man geword. In die meeste gebiede het die Gaele egter geleidelik verengels en is die Gaeliese tale deur Engels vervang. Die moderne afstammelinge van die Gaele is deur ’n groot deel van Brittanje versprei, asook tot so ver as die Amerikas en Oseanië.