Mit Globalisierigskritik bezäichnet mä die kritischi Usenandersetzig mit de ökonomische, soziaale, kulturelle und ökologische Uswirkige vo dr Globalisierig. E Schwerpunkt vo dr Kritik richdet sich gegen e Wirtschaftsornig, wo mit em meerdütige Usdruck „neoliberal“ bezäichnet wird und wo vo Organisazioone wie dr Wältbank und dr Wälthandelsorganisazioon uf dr ganze Wält gförderet wird.