Hermione Granger | ||
---|---|---|
Personaxe de Harry Potter y la piedra filosofal | ||
![]() | ||
Universu | universu de Harry Potter | |
Creador/a/es | J. K. Rowling | |
Información | ||
Sexu | femenín | |
Nacimientu | Inglaterra, 19 de setiembre de 1979[1] (44 años) | |
Ocupación |
estudiante, activista, viajero del tiempo (es) ![]() | |
Cónxuxe | Ron Weasley | |
Padres |
Sr. Granger (es) ![]() ![]() | |
Fíos |
Rose Granger-Weasley (es) ![]() ![]() | |
Residencia |
Castillo de Hogwarts (es) ![]() | |
Nacionalidá | Reinu Xuníu | |
[editar datos en Wikidata] |
Hermione Jean Granger ye un personaxe de ficción y ún de los tres protagonistes (los otros dos son Harry Potter y Ron Weasley) de la serie de J.K. Rowling Harry Potter. Apaez na primer novela, Harry Potter y la piedra filosofal, como una nueva estudiante nel so camín a Hogwarts. Depués de que Harry y Ron la salvaron d'un trol de monte nos baños de les moces, formóse una estrencha amistá ente ellos y con frecuencia usa'l so inxeniu rápidu y la conocencia enciclopédica p'ayudalos. Rowling declaró qu'Hermione aseméyase a ella a una edá más moza, cola so inseguridá y mieu al fracasu.[2] El so papel ye abondo determinante yá que, al tener bones aptitúes d'estudiu, podría considerásela como'l "celebru" del grupu.
Hermione ye la moza más intelixente del so cursu nel Colexu Hogwarts de Maxa y Bruxería. Neto qu'Harry y Ron, pertenez a la casa de Gryffindor, magar que'l gorru escoyedor consideró allugala en Ravenclaw por cuenta de les sos prominentes capacidaes. Ye d'orixe muggle: los sos padres son dentistes y nun tienen rellación dala col mundu los magos. Présta-y lleer pola vida, pero sicasí nun sabe dibuxar. Nun-y gusta romper les regles y nun ye especialmente entusiasta del quidditch, el deporte máxicu, anque sofita a los sos amigos mientres el campeonatu. Tiende a creyer que too aquello que merez la pena saber pue deprendese d'un llibru y ye escéptica tocante a tolo que nun se puea comprobar con ciencia, despreciando, poro, asignatures como Aldovinación, impartida pola profesora Sybill Trelawney. Hermione conoció a Harry Potter y a Ron Weasley nel Espresu de Hogwarts.