Homofone is woorde wat presies eenders klink, maar waarvan die betekenis en spelling verskil.
Die woorde vlei en vly is homofone van mekaar:
- Sy vlei (heuning om mond smeer) hom sodat hy vir haar gunsies sal doen.
- Hy vly (neerlê) hom op die bank neer.
In hierdie geval is faal en vaal homofone van mekaar:
- Die poging sal faal (misluk).
- Die prent is baie vaal (die kleur).
Jy ry op 'n fiets. Die homofoon van fiets is viets, wat na netjiese/fikse figuur verwys.