Jambus

Dr Jambus isch ä Begriff us dr altgriechische Värslehr. Er bezeichnet ä Värsfuess wo us era churze und erä lange Silbe beschdoht: ‿ — .

In dr dütsche Dichdig beschdoht dr Jambus us erä unbetonte und erä betonte Silbe. Mä redet vo Sänkig und Hebig.

Bischbil: Johann Peter Hebel us "Der Winter"

Isch echt do obe Bauwele fail?
Si schütten aim e redli Tail
in d'Gärten aben un ufs Huus;
es schneit doch au, es isch e Gruus;
un 's hangt no mengge Wage voll
am Himmel obe, merk i wohl.

Dr Blankvärs, wo vor allem in dr Dramatik hüfig bruucht worden isch, isch ä jambische Fünffüesser: ‿ — | ‿ — | ‿ — | ‿ — | ‿ — |