Jazzstandard

Dschäässtandards si Dschääs-Komposizione us dr Vergangehäit, wo vo Dschääsmusiker bsundrigs vil gspiilt wärde, drotz alle Verändrige im Dschääs. Eme Hufe Dschäässtandards isch au dr Übergang in anderi Muusigstiil glunge.

Umkeert si vili Melodie, wo zu Dschäässtandards worde si, ursprünglig us de verschiidene Schaner vo dr amerikanische Underhaltigsmuusig sit dr Erfindig vo dr Schallblatte choo, drunder Gattige wie Schanson, Schlaager, Popsong, us Broadway-Shous und Miusikal oder Melodie us Hollywood-Film. D Hoochfaasem wo Standard ebtstabde si, isch d Eera vom Swing. E baar Dschäässtandards stamme aber au us em 19. Joorhundert, us Ragtime, klassischem Blues und früejem Dschääs, us em Schicago-Dschääs vo dr zwanziger Joor, em Swing vo de drissiger und vierziger, em Bebop und Hardbop, em Bossa Nova, em modale und sogar us em Free Jazz.^[1]

S Korpus vo de Dschäässtandards wird bis hüte die ganz Zit veränderet und erwiteret. E baar „Umarbeitige“ vo Songs us em Great American Songbook us dr Zit vom Bebop (Bebop head) si hüte as Usgangspunkt von ere Dschääsinterpretazioon beliebter als d Original.

1. ↑ Schaal: Jazz-Standards. 2001, S. 8.