Ketiak | |
---|---|
![]() | |
Katiak pada saurang bibinian ras kaukasoid | |
![]() | |
Katiak pada saurang lalakian | |
Latin | Axilla |
Katiak atawa dalam bahasa Latin disambat axilla adalah dairah lipatan awak manusia nang mahubungakan langan atas lawan bahu. Katiak dikanal sabagai salah satu hagian awak nang sénsitif wayah digalitik wan sabagai salah satu hagian awak nang agak tasungkup.
Sacara anatumis, katiak dibabat pada hagian antérior ulih utut pectoralis major wan utut pectoralis minor, wan hagian posterior ulih utut subscapularis wan tulang balikat. Limbah nintu di hagian médialnya ulih utut serratus anterior sarta hagian lateral ulih utut coracobrachialis wan hagian caput brevis matan utut biceps brachii.
Rambut katiak salalu tumbuh di katiak, baik pada lalakian maupun bibinian. Patumbuhan rambut ngini dimulai pada wayah masa pubertas. Biasanya pada bibinian, rambut itu dilarap lawan alasan éstétika. Lalakian biasanya tatap mambiarakan rambut itu tumbuh wan wastu dilarap amunnya hudah mantuk labat. Tagal, damini banyak lalakian nang jua malarap rambut katiaknya hagan manjaga popularitasnya sabagai saurang modél atawa saurang atlit, wan lain sabagainya.
Para ilmuwan mandapatakan amun kulimbit di hagian katiak manusia marupakan wadah pangatujunya hagan baktéri. Dalam panampang kulit saluas asa inci parsagi, di katiak kawa tahaga 516.000 baktéri.
![]() |
Wikimedia Commons baisi média nang baraitan lawan: |