Khartoum | |
---|---|
Títol | Khartoum |
![]() Póster d'a cinta. | |
Ficha tecnica | |
Dirección | Basil Dearden Eliot Elisofon |
Producción | Julian Blaustein |
Guión orichinal | Robert Ardrey |
Musica | Frank Cordell |
Fotografía | Edward Scaife |
Montache | Fergus McDonell |
Maquillache | Tom Smith |
Actors | Charlton Heston Laurence Olivier Richard Johnson Ralph Richardson Alexander Knox Johnny Sekka Nigel Green Michael Hordern Peter Arne Hugh Williams Zia Mohyeddin Ralph Michael Douglas Wilmer Edward Underdown Alan Tilvern |
Color | Technicolor |
Narrador | Leo Genn |
Datos y cifras | |
País(es) | Reino Uniu |
Anyo | 1966 |
Debantadera | 9 de chunio de 1966 ![]() |
Chenero(s) | Cine de drama Cine epico Cine historico Cine belico Cine d'aventuras |
Durada | 134 min. |
Idioma(s) | Anglés |
Companyías | |
Productora(s) | Julian Blaustein Productions Ltd. |
Distribución | United Artists |
Estudio(s) | Pinewood Studios |
Presupuesto | 6-8 millons de dólars |
Recauto | 3 millons de dólars (en Estaus Unius y Canadá) |
Informacions en bases de datos especializadas: | |
![]() ![]() ![]() ![]() ![]() ![]() ![]() ![]() ![]() ![]() |
Khartoum (títol orichinal en anglés, en aragonés Khartum, enguerada en Aragón con o suyo títol traduciu enta lo castellano como Khartum) ye una cinta de cine britanico de l'anyo 1966 de cine de drama epico historico belico d'aventuras dirichida por Basil Dearden y Eliot Elisofon seguntes un guión orichinal de Robert Ardrey, con una banda sonora orichinal de Frank Cordell, una dirección de fotografía de Edward Scaife y una producción cinematografica al cudiau d'o productor cinematografico Julian Blaustein ta la suya productora cinematografica Julian Blaustein Productions Ltd.. Os actors que forman l'elenco d'a cinta, en os suyos principals papels, son Charlton Heston, Laurence Olivier, Richard Johnson, Ralph Richardson, Alexander Knox, Johnny Sekka, Nigel Green, Michael Hordern, Peter Arne, Hugh Williams, Zia Mohyeddin, Ralph Michael, Douglas Wilmer, Edward Underdown y Alan Tilvern.
En a cinta se conta la situación d'o Sudán en os anyos 1880 mientres a guerra d'o Mahdi, cuan Muhammad Ahmad, clamau O Mahdi, proclamó estar ninviau por Dios ta fer una guerra santa, purificar l'Islam y fundar un gran estau islamico, centrando-se mas que mas en o setio de Khartum, cuan o cheneral Charles George Gordon prebó d'esfender a ciudat de Khartum, y en a figura de Gordon, protagonista indiscutible d'a cinta. A cinta s'ambienta en os anyos 1883, 1884 y 1885 en Londres (Reino Uniu), O Caire en Echipto y Khartum y atros puestos de Sudán, y las suyas escenas se filmoron en O Caire y atros puestos d'Echipto, en os Pinewood Studios en Buckinghamshire (Reino Uniu) y en a estación de Marylebone en Londres, tamién en o Reino Uniu.[2] Se tracta d'una cinta con bels premios y nominacions, en destacando una nominación a los Premios Oscar en a suya 39ena edicón a lo Millor Guión Orichinal y dos nominacions a los Premios BAFTA en a suya 20ena edición, incluyindo-ie a nominación a lo BAFTA a lo Millor Actor Britanico.