Koichputz (dt. Kalkputz, engl. lime plaster) is Baukoich gmischt mit Sond und Wossa. Koichputz konst ois Grundputz, Obaputz, Feiputz und Edlputz vawendn.
Da klassische Koichputz wead aus Sumpfkoich (aa Wossakoich bzw. Biokoich gnennd) gmocht[1]. Heit wead des nua no im ekologischn Biobau so gmocht, wei d Produktion vo Sumpfkoich recht afwendi is. In da Regl wead heit da Industriekoich (aa Luftkoich gnennd) dazua vawendt. Da Luftkoich is a drickads, weiss' Puiva, da Wossakoich is imma flissi.