Koreaans

Hierdie artikel handel oor die taal in Oos-Asië. Vir die etniese groep, sien Koreane.

Koreaans 한국어 (韓國語) / 조선말 (朝鮮말) Hangugeo, Chosŏnmal
Uitspraak:	[tso.sʌn.mal] (Noord-Korea) [ha(ː)n.ɡu.ɡʌ] (Suid-Korea)
Gepraat in:	Suid-Korea  Noord-Korea  Volksrepubliek China (Yanbian)  Verenigde State  Japan
Gebied:	Korea
Totale sprekers:	77 miljoen[1]
Rang:	13
Taalfamilie:	Altaïes (omstrede)  Koreaans
Amptelike status
Amptelike taal in:	Suid-Korea  Noord-Korea
Gereguleer deur:	Nasionale Instituut vir die Koreaanse taal (국립국어원 / 國立國語院) Taalnavorsingsinstituut, Akademie vir Sosiale Wetenskappe (사회과학원 어학연구소 / 社會科學院 語學研究所) Koreaanse taal Regulerende Kommissie (중국조선어규범위원회 / 中國朝鮮語規範委員會)
Taalkodes
ISO 639-1:	ko
ISO 639-2:	kor
ISO 639-3:	kor
Nota: Hierdie bladsy kan IFA fonetiese simbole in Unicode bevat.

Koreaans is 'n Altaïese taal wat deur sowat 77 miljoen mense in Noord- en in Suid-Korea gepraat word. Daar is groot minderhede van Koreaanstaliges in Japan, die Verenigde State en in Yanbian in die Volksrepubliek China.

In Suid-Korea word die taal han'gukmal (한국말) of han'gugeo (Hangul: 한국어, Hanja: 韓國 語, [ha(ː)n.ɡu.ɡʌ]) genoem. In Noord-Korea word dit egter chosŏnmal (조선말, [tso.sʌn.mal]) of chosŏnŏ (조선어, 朝鮮語) genoem. Dié verskil kom van die verskillende algemene name vir Noord- en Suid-Korea. Verder noem Koreane gewoonlik hul taal urimal (Hangul: 우리말) of urinara mal (Hangul: 우리나라 말) wat "ons taal" of "ons land se taal" beteken.

Die dialek op die Suid-Koreaanse Jeju-eiland word deur sommige taalkundiges as 'n taal op sy eie beskou wat darem saam met Koreaans as lede van 'n Koreaanse taalfamilie beskou word. Ander taalkundiges sien egter kleiner verskille tussen dié dialek en Koreaans wat nie hierdie klassifikasie regverdig nie. Soms word dit saam met Turkse, Mongoolse, Toengoesiese, Japannese tale en Ainoe by die Altaïese tale gegroepeer, hoewel dit oor die algemeen betwis word.^[2]

1. ↑ (en) "Ethnologue: Languages of the World, Seventeenth edition, Korean". Ethnologue. Besoek op 5 Augustus 2024.
2. ↑ (en) "The Altaic family controversy – Languages Of The World". Languages Of The World. 16 Februarie 2011. Geargiveer vanaf die oorspronklike op 26 Augustus 2019. Besoek op 14 April 2019.