Kuruman

Kuruman
Dorp
Die Oog
Kuruman  Kuruman se ligging in Noord-Kaap
Koördinate: 27°27′56″S 23°26′15″O / 27.46556°S 23.43750°O / -27.46556; 23.43750
Land	Suid-Afrika
Provinsie	Noord-Kaap
Distrik	John Taolo Gaetsewe
Munisipaliteit	Ga-Segonyana
Stigting	1887
Oppervlak [1]
• Totaal	93,39 km2 (36,06 vk. myl)
Hoogte	1 131 m (3 711 ft)
Bevolking  (2011)[1]
• Totaal	13 057
• Digtheid	140/km2 (400/vk. myl)
Rasverdeling (2011) [1]
• Wit mense	30.3%
• Indiërs/Asiërs	1.3%
• Bruin mense	43.7%
• Swart mense	23.5%
• Ander	4.0%
Taal (2011) [1]
• Afrikaans	76.9%
• Tswana	14.9%
• Engels	4.0%
• Ander	4.2%
Poskode (strate)	8460
Poskode (posbusse)	8460
Skakelkode	053

Kuruman is 'n voormalige Engelse sendingstasie en die grootste dorp in die Ga-Segonyana munisipaliteit van die John Taolo Gaetsewe-distriksmunisipaliteit (provinsie Noord-Kaap). Die bevolking in 2011 was 13 057 mense. Die dorp is 1 131 meter bo seevlak op die Ghaapse plato en langs die N14 nasionale pad tussen Johannesburg en Upington geleë. Dit is vernoem na Khudumaan, 'n 18de eeuse Boesmanleier wat in die omgewing sy heilige plek ingerig het. ^[2]

Die sendingstasie is in 1821 deur eerw. Robert Moffat (1795-1883), 'n boorling van Ormiston in Skotland, en sy vrou Mary van die Londense Sendinggenootskap gestig. Die Moffats het hulle hier gevestig om uiteindelik vyftig jaar lank onder die Tswanas te werk. Die dorp Kuruman het in 1887 op die linkeroewer van die Kurumanrivier tot stand gekom. Een van die bekende bakens hier is die Oog van Kuruman, 'n fontein (en sedert die jaar 1992 ook 'n nasionale monument) wat 'n volle 20 miljoen liter water per dag lewer in die middel van die halfwoestyn. Kuruman staan derhalwe ook bekend as die "Oase van die Kalahari".

1. ↑ ^{1,0 1,1 1,2 1,3} "Hoofplek Kuruman". Sensus 2011.
2. ↑ Claassen, Isabel (November 1987). Kuruman 1887-1987: Suid-Afrikaanse Panorama. p. volume 32, p 13-17.