Liber

De Liber, au Liber pater (latiin. Līber, -erī) isch e röömische Fruchtbarkaitsgott. Er isch mitem griechische Wiigott Dionysos gliichgsetzt wore und isch denn au immer mee zomene Wiigott wore. Er isch de Soo vo de Chorngöttin Ceres und de Brüeder vo de Libera. A sim Fest, a de Liberalia, hend di junge Mane zerstmool eri toga virilis aaglait, as e Zaiche, ass si ab jetz mündigi röömischi Bürger sind. Z Lavinium isch i sim Tempel e Phallus vereert wore und a sim Fest sind au Phallussymbol umetrait wore.