Lucanidae

Los lucánidos (Lucanidae) son una familia de coleópteros polífagos de tamañu mediu a grande (10-90 mm), con unes 930 especies descrites.^[1] Dalgunos son conocíos col nome vulgar de vacallories, pol gran desenvolvimientu de los quexales de los machos.

Viven preferentemente en montes formaos por árboles de fueya ancha y aliméntense de cazumbre, yemes o fueyes de los árboles. Les femes depositen los güevos en tueros vieyos, toconos, etc., onde se desenvuelven les canesbes. Delles especies, como Lucanus cervus tarden cinco o más años n'algamar l'estáu adultu.

Los lucánidos son bien apreciaos polos coleicionistes, y esiste un comerciu internacional, non siempres llegal, con delles especies especialmente grandes o vistoses.^[2][3]

1. ↑ Zahradník, J., 1990.
2. ↑ (castellán) http://www.asturnatura.com/familia/lucanidae.html Lucanidae
3. ↑ (n'italianu)http://www.scarabeidi.it/Lucanidae/Lucanidae.html Lucanidae