![]() | |||||
---|---|---|---|---|---|
![]() | |||||
| |||||
Alministración | |||||
País | ![]() | ||||
Estáu federáu | ![]() | ||||
Tipu d'entidá | ciudá | ||||
Nome oficial | Melbourne (en-au) | ||||
Nome llocal | Melbourne (en-au) | ||||
Nomatu | Melbs (en-au) | ||||
Códigu postal |
3000–3207 | ||||
Xeografía | |||||
Coordenaes | 37°48′51″S 144°57′47″E / 37.8142°S 144.9631°E | ||||
![]() | |||||
Superficie | 9993 km² | ||||
Altitú | 31 m | ||||
Llenda con |
| ||||
Demografía | |||||
Población |
5 031 195 hab. (30 xunu 2022) - 2 420 718 homes (10 agostu 2021) - 2 497 033 muyeres (10 agostu 2021) | ||||
Porcentaxe |
73.28% de Victoria (Australia) 19% de Australia | ||||
Densidá | 503,47 hab/km² | ||||
Más información | |||||
Fundación | 30 agostu 1835 | ||||
Prefixu telefónicu |
0370 , 0371 , 0372 , 0374 , 0376 , 0377 , 0378 , 0379 , 0383 , 0385 , 0386 , 0390 , 0391 , 0392 , 0393 , 0394 , 0395 , 0396 , 0398 y 0399 | ||||
Estaya horaria |
UTC+10:00 (horariu estándar) UTC+11:00 (horariu de branu) Australia/Melbourne (en) ![]() | ||||
visitmelbourne.com | |||||
![]() |
Melbourne ye la ciudá capital, y mayor ciudá, del estáu australianu de Victoria, y la segunda mayor d'Australia y Oceanía[1]. El nome Melbourne fai referencia a la ciudá, pero tamién a l'aglomeración urbana que s'estiende per 9.992,5 km²[2] y forma la so área metropolitana. La metrópolis asítiase na bahía natural de Port Phillip, y espárdese hacia l'interior al traviés de les cordeleres montañoses de Dandenong y Macedon, la península de Mornington y el valle de Yarra. Melbourne, que ta formáu por 31 conceyos[3], tenía una población, en 2016[1], de 4.725.316 habitantes, nomaos Melburnians.
Fundada por ciudadanos llibres de la colonia de la Corona británica de Tierra de Van Diemen el 30 d'agostu de 1835, no que daquella yera la colonia de Nueva Gales del Sur[4], convirtióse nún asentamientu de la Corona en 1837[4]. Fue nomada "Melbourne" pol gobernador Richard Bourke, n'honor del primer ministru británicu del tiempu, William Lamb, segundu vizconde de Melbourne[4]. La reina Victoria dio-y oficialmente'l títulu de ciudá en 1847, y poco dempués, en 1851, convirtióse na capital de la recién fundada colonia de Victoria[5]. Demientres la fiebre del oru de Victoria de la década de 1850 convirtióse nuna de les mayores y más prósperes ciudaes del mundu[6]. Tres de la formación de la federación australiana en 1901 la ciudá convirtióse na so sé provisional del gobiernu hasta 1927[7]. Foi, tamién, sede de los Xuegos Olímpicos de 1956 y de los Xuegos de la Commonwealth en 2006.
Melbourne foi, según la Economist Intelligence Unit, la meyor ciudá pa vivir nel mundu, por séptimu añu consecutivu, en 2017[8]. Ye un centru financieru perimportante de la rexón Asia-Pacíficu, y aveza a considerársela la capital cultural d'Australia[9]: nella nacieron l'impresionismu australianu, les regles del fútbol australianu, la industria cinematográfica y televisiva australiana y la danza contemporánea australiana.
El principal aeropuertu de la metrópolis y l'estáu ye l'aeropuertu de Melbourne (o aeropuertu de Tullamarine), el segundu con más movimientu de pasaxeros d'Australia. El so puertu, pela so banda, ye'l de mayor tráficu, neto a granel qu'en contenedores, del país, y ente la so amplia rede de tresporte cuenta cola mayor rede de tranvía urbanu del mundu[10].