Michelia | |
---|---|
![]() | |
Klasifikasi ngèlmiah | |
Karajan: | Plantae |
Dhivisi: | Magnoliophyta |
Klas: | Magnoliopsida |
Ordho: | Magnoliales |
Famili: | Magnoliaceae |
Subfamili: | Magnolioideae |
Génus: | Michelia L. |
Spesies | |
sakiwa-tengené 50, lihat teks |
Michelia iku génus tuwuhan ngembang saka suku Magnoliaceae. Genus iki duwé watara 50 spésies wité tansah ijo, semak-semak, sing tuwuh ing tlatah tropis lan subtropis ing Asia Kidul lan Asia Kidul-wétan sarta Tiongkok Kidul. Tuwuhan iki uga karan Kembang Cempaka utawa Kembang Kanthil.
Suku Magnoliaceae isih kalebu tuwuhan purba, minangka fosil sing urip lan asal-usulé bisa ditlusuri nganti 95 yuta taun kapungkur. Ciri khas tuwuhan iki ya iku godhong kembangé sing ora dumadi saka petal lan sepal, nanging dumadi saka tepal.
Godhong lan kembang Michelia isih mèmper karo godhong lan kembang Magnolia. Sanadyan kembang Michelia luwih kasebar ing sadawaning wit, déné kembang Magnolia mung tuwuh ing pucuk wit.
Sawetara spésies minangka pangasil kayu sing wigati. Déné sawatara spésies kaya Michelia champaca (ing Acèh dikenal minangka kembang jeumpa) lan Michelia doltsopa ditandur amarga kembangé. M. champaca uga dikembang-biakaké kanggo dijupuk lenga saka kembangé minangka bahan parfum. Sawetara spésies uga ditandur minangka tuwuhan pembatas dalan kaya M. figo, M. doltsopa lan M. champaca.