Naxos (Νάξος) | ||
---|---|---|
Gwässer | Middelmeer | |
Inselgruppe | Kyklade | |
Geographische Lage | 37° 3′ N, 25° 28′ O | |
| ||
Lengi | 32,5 km | |
Breiti | 21,7 km | |
Flechi | 389,43 km² | |
Hechschti Hebi | Zas[1] 1.001 m | |
Iiwohner | 18.188 (2001) 47 Einw./km² | |
Hauptort | Naxos (Chora) |
Naxos (noigriech. Νάξος f. Sg., au Náxia) isch e griechischi Insle im Egeische Meer. Si het e Flechi vo 389,43 km²[2] und isch die grössti Insle vo de Kyklade. Si isch vo dr Insle Paros nume dur e schmali Meerängi drennt. Naxos het im Oste stotzigi Ufer, gege Weste isch s Land ebener. Dr Bärg Zas (au: Oxia) isch e Granitgebirg, wo bis zu 1000 m hooch isch und wo vo Oste uf Süde goot.
Noch dr letschte Volkszelig im Joor 2001 het s uf dr Insle 18'188[2] Iiwooner. Wivil grad dört woone, schwankt stark noch dr Jooreszit. Dr Hauptort häisst Naxos, und mä säit em wie de Hauptört uf fast alle Insle Chora (griechisch Χώρα). Die Stadt isch und Haupthaafe vo dr Insle (für Fääridienst, Fischerei und Sportschifffaart) und dr Sitz vom griechisch-orthodoxe Bischof vom Bistum Naxos-Paros.