Neymar da Silva Santos Júnior (5 de febreru de 1992, Mogi das Cruzes (es) ), conocíu deportivamente como Neymar, ye un futbolista brasilanu que xuega d'estremu izquierdu nel Al-Hilal SFC. Tamién ye internacional cola seleición de Brasil.
Ente les sos distinciones individuales destaca'l Premiu Puskás en 2011, amás del premiu al Meyor Xugador Mozu del Campeonatu Paulista 2009, el de Meyor Delanteru y Meyor Xugador del Campeonatu Paulista 2010 y el de máximu goliador de la Copa de Brasil 2010 con once goles antes de ser proclamáu como'l futbolista del añu en Suramérica en 2011 poles sos actuaciones nel Santos Futebol Clube brasilanu, onde batió dellos récores. Foi vencedor d'un títulu de Lliga Brasilana y una Copa Libertadores na qu'anotó seis goles en trelce partíos, convirtiéndose nel meyor xugador de la competición. Tamién xugó un papel clave nel llogru d'un doble continental pal so equipu, que nun consiguía'l Santos dende 1963. Recibió'l Balón de Bronce de la Copa Mundial de Clubes 2011, onde'l Santos consiguió llegar hasta la final, pero fueron ganaos pol club español F.C. Barcelona por un 4-0.
Internacional absolutu cola seleición brasilana desque debutó en 2010, ente los sos llogros destaca'l ser el máximu goliador del Suramericanu sub 20 del 2011 con nueve goles, incluyendo dos tantos na final, na victoria por 6-0 frente a Uruguái, lo que dexó a Brasil ganar el so oncenu títulu nesta competición. Cola seleición sub-23 apostó los Xuegos Olímpicos de 2012 onde se proclamó subcampeón y onde ye amás el so máximu goliador históricu con once goles.
En 2012, la revista SportsPro nomó a Neymar como l'atleta más comercializable nel mundu.[8]
Ye medayista d'oru de los Xuegos Olímpicos de Rio 2016 cola seleición brasilana sub-23.[9]