Nouvelle-Aquitaine Nòva Aquitània (Occitan) Akitania Berria (Basque) Novéle-Aguiéne (Poitevin-Saintongeais) | |||
---|---|---|---|
![]() | |||
| |||
![]() | |||
Negara | ![]() | ||
Préféktur | Bordeaux | ||
Departemén | |||
Pamréntahan | |||
• Présidén Déwan Daérah | Alain Rousset (PS) | ||
Jimbar | |||
• Total | 84.036 km2 (32,446 sq mi) | ||
Peringkat jimbar wawidangan | ka-1 | ||
Populasi (Jan. 2018) | |||
• Total | 5.979.778 | ||
• Kepadatan | 71/km2 (180/sq mi) | ||
Demonim | New-aquitanians | ||
Produk Daérah Bruto | |||
• Total | €189.278 miliar | ||
• Per kapita | €31,700 | ||
Wewidangan galah | UTC+01:00 (CET) | ||
• Musim panas (DST) | UTC+02:00 (CEST) | ||
ISO 3166 code | FR-NAQ | ||
Basa resmi | Prancis |
Nouvelle-Aquitaine (Pangucapan basa Prancis: [nuvɛl akitɛn] (ⓘ); Occitan: Nòva Aquitània [ˈnɔβɔ akiˈtanjɔ] utawi Novèla Aquitània [nuˈβɛlɔ akiˈtanjɔ]; basa Basque: Akitania Berria;[2] Poitevin-Saintongeais: Novéle-Aguiéne; basa Bali: Aquitaine Anyar) inggih punika wawengkon administratip ring Prancis pinih ageng, ngapentang ring kauh lan kelod kauh daratan. Wawengkon niki kaadegang saking réformasi téritorial wawengkon Prancis ring warsa 2014 saking pagabungang tiga wawengkon: Aquitaine, Limousin lan Poitou-Charentes. Punika ngacakupin 84,036 km2 (32,446 sq mi) – utawi 1⁄8 negara – lan ngelah 5.956.978 diri (panjak kota per 1 Januari 2017).[3] Wawengkon anyar niki kaadegang duk tanggal 1 Januari 2016, sesampun pamilihan daérah ring sasih Désémber 2015.[4]
Punika dados wawidangan pinih jimbar ring Prancis manut wawidangan (rumasuk wawengkon dura negara minakadi Guyana Prancis), sareng wawengkon sané langkung ageng akidik pantaraning Austria. Préféktur lan kota pinih agengné, Bordeaux, sinarengan tanggu kota lan kota-kota satelitné, ngadegang wawengkon métropolitan pinih ageng kapitu ring Prancis, antuk panjak 850.000 diri. Wawengkon niki ngelah 25 wawidangan pakotaan ageng, riantarané sané pinih kabuat penting sasampun Bordeaux luiré Bayonne (288.000 diri), Limoges (283,000), Poitiers (255,000), Pau (241,000) lan La Rochelle (206,000), taler solas sekaa ageng.
Nouvelle-Aquitaine ngelah lima univérsitas (Bordeaux, La Rochelle, Limoges, Poitiers lan Pau) taler makudang Grandes Écoles. Ipun ngelah tiga saking papat resor malelintihan ring pasih Atlantik Prancis: Arcachon, Biarritz miwah Royan, taler makudang resor ski (kautama Gourette).
Paékonomian anut ring partanian lan partanaian anggur (kebun anggur Bordeaux lan Cognac), pariwisata, industri dirgantara, ékonomi digital lan desain sané kuat, parakimia tur industri farmasi, séktor kajinahan (Niort) saha industri keramik (Limoges). Wawengkon anyar puniki ngacakupin makéhan Prancis Kelod ("Midi de la France"), kacihnain sareng Basque, Occitan, Poitevin lan budaya Saintongeais. Sacara lelintihan, wawengkon niki dados "pangalantur ten langsung" Aquitaine abad patengahan; punika ngajimbar nuju makéhan lad Punggawa Eleanor saking Aquitaine.