De hudige perveensie Frieslaand wodde in vroggere tied in drie streken indield: Oostergo, Westergo en Zevenwoolden.
De Middelzee dielde de perveensie in twiejen. Et westelike diel Westergo, et oostelike diel hiette Oostergo (Zevenwoolden leit in et zuden tegen et hudige Flevolaand en Drenthe an).
Et woord -go duudt an dat et een eilaand was, et westelike en oostelike eilaand. De kust van et oostelike eilaand leup langes de plakken Goutum, Liwwadden en Stiens. De kust van et westelike eilaand leup langes de plakken Berlikum, Beetgum, Marsum, Boksum en Jellum.
Doe de Middelzee rond 1200 nao Chr. mit hulpe van rieke kloosters bediekt wodde, slibde de Middelzeee binnen honderden jaoren dichte.