Otavi

Otavi
'n Lugbeeld van Otavi in 2018
Wapen
Leuse(s):  Volhard en Oorwin
Otavi
Koördinate: 19°39′S 17°20′O / 19.650°S 17.333°O / -19.650; 17.333
Land	Namibië
Streek	Otjozondjoepa
Kiesafdeling	Otavi
Bevolking
• Totaal	3 813
Tydsone	UTC+2 (SAST)

Otavi is 'n dorp met 4 000 inwoners in die Otjozondjoepa-streek van sentraal Namibië. Dit is die hoofstad van die Otavi-kiesafdeling. Groot dele van die gebied is dolomiet (Prekambries) en was in die verlede bekend vir sy minerale rykdom. Meeste van die voorrade is egter nou uitgeput.

Op die plaas Khorab, 2,6 km noord van Otavi is 'n gedenkteken ('n klip) wat die onderhandelinge tussen die Suid-Afrikaanse en Duitse troepe tydens die Eerste Wêreldoorlog aandui. Die onderhandelinge het gelei tot die Vrede van Khorab op 9 Julie 1915 en die oorgawe van ongeveer 4 000 Duitse soldate.^[1]

1. ↑ Cassidy, Joseph (2009). Place Names of Namibia A Historical Dictionary. Windhoek: Macmillan Education Namibia Publishers (Pty) Ltd. p. 85. ISBN 978-99916-0-654-5.