![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O petrolio (d'o latín < petroleum)[1] ye una mezcla complexa no homochenia d'hidrocarburos, compuestos formaus por hidrocheno y carbonio. Son mui diferents entre si, dende amarilliscos y liquidos a negros y vescosos. Istas diferencias son on debitas a las relacions entre os tipos d'hidrocarburos. Ye un recurso natural no renovable, y actualment tamién ye a prencipal fuent d'enerchía en os países desarrollaus, pero en proceso de substitución por enerchías renovables u menos contaminats.
Os components quimicos d'o petrolio se deseparan y obtienen por destilación por meyo d'un proceso de refinería. D'éls s'extrayen diferents productos, entre atros: propán y bután, benzina (gasolina), queroseno, gasoil u diesel, fueloil, aceites lubricants, gudrons, carbón de coque, ecetra.
Ista mezcla d'hidrocarburos apareixe cheneralment asociata a grans bambollas de gas natural, en chacimientos zarratos mientres mils d'anyos baixo tierra, cubiertos por os estratos superiors d'a crosta terrestre.
A mención mes antiga d'o petrolio en aragonés medieval ye d'o "Libro de Marco Polo" referindo-se a Armenia la Gran, que incluiba tierras de l'actual Kurdistán: