Primaten

Primate
Dr Gmein Schimpans (Pan troglodytes)
Systematik
Überklass: Chiifermäuler (Gnathostomata) Reije: Landwirbeldier (Tetrapoda) Chlass: Säugedier (Mammalia) Underchlass: Höcheri Säugedier (Eutheria) Überordnig: Euarchontoglires Ordnig: Primate
Wüsseschaftlige Name
Primates
Linnaeus, 1758
Underordnig
Füechtnasenaffe (Strepsirrhini) Drochenasenaffe (Haplorrhini)

D Primate (Primates) oder Herredier si en Ornig in dr Underklass vo de höchere Süüger, wo zu dr Überornig vo de Euarchontoglires ghört. Ihri Erforschig isch dr Gegestand vo dr Primatologii. Dr Usdruck Affe wird mänggisch für die Ornig bruucht, isch aber missverständlig, wil die (Eigentligen) Affe nume en Undergruppe darstelle. D Primate wärde in die beiden Underornige vo de Füechtnasenaffe (Strepsirrhini) und de Drochenasenaffe (Haplorhini) iideilt. Zu de Drochenasenaffe ghöre d Menschenaffe (Hominidae), wo dr Mensch (Homo sapiens) mit iischliesse.