Quipu

El quipu (quechua: khipu, 'nuedu' ) foi un sistema mnemotécnicu per aciu cuerdes de llana o algodón y nuedos d'ún o dellos colores desenvueltu poles civilizaciones andines. Magar se sabe qu'usóse como un sistema de contabilidá polos quipucamayoc (khipu kamayuq), alministradores del Imperiu inca, ciertos autores propunxeron que podría ser usáu tamién como una forma d'escritura, hipótesis sostenida ente otros pol inxenieru William Burns Glynn.^[1]

Topáronse quipus dende la Huaca de la Universidá de San Marcos, hasta «Cerro del Oro», correspondiendo estos a la cultura Wari. Anguaño caltiénense en museos alredor de 750 quipus.

1. ↑ http://www.nytimes.com/2016/01/03/world/americas/untangling-an-accounting-tool-and-an-ancient-incan-mystery.html Quipu New York Times