Ride

Ride
Orixe	Oxford, Inglaterra
Período	1988 - 1996 2001 2014 - presente
Xénero(s)	rock alternativo, shoegazing
Selo(s) discográfico(s)	Creation, Warner, Sire, The First Time, Wichita
Membros	Andy Bell Laurence Colbert Mark Gardener Steve Queralt
Na rede
http://ridemusic.net/

Ride é unha banda inglesa de rock alternativo formada en 1988 en Oxford. Estivo composta por Andy Bell, Mark Gardener, Laurence "Loz" Colbert e Steve Queralt, e inicialmente formou parte da escena "shoegazing" emerxida en Inglaterra a principios dos anos 90. Tras a separación do grupo en 1996, os membros movéronse a varios proxectos, entre os que destacou Andy Bell, que se converteu no baixista de Oasis. No ano 2001 a banda reuniuse brevemente para unha única actuación nun programa de televisión. O álbum de estrea da banda, Nowhere, é considerado un dos mellores traballos do xénero shoegazing, e foi colocado no posto 74 da lista de Pitchfork Media dos "100 mellores álbums dos 90", e o seu tema "Vapour Trail" foi elixida a 145 da lista das "200 mellores cancións dos 90", tamén de Pitchfork Media. O álbum tamén está incluído no libro 1001 álbums que debes escoitar antes de morrer.

O día 18 de novembro do 2014 anunciouse que Ride reuiríase novamente e realizaría unha serie de concertos por Europa e Norteamérica nos meses de maio e xuño de 2015.^[1] Dende entón publicou dous álbums máis, Weather Diaries (2017) e This Is Not a Safe Place (2019).

1. ↑ Pitchfork (ed.). "Ride Reunite, Announce World Tour". Consultado o 19 de novembro de 2014.