Ronaldo Luís Nazário de Lima (/ʁo'nawdʊ lu'iz na'zaɾjʊ dʒɪ 'limɐ/; 22 de setiembre de 1976, Itaguaí (es) ), más conocíu como Ronaldo, ye un ex-futbolista brasilanu. La so posición yera delanteru y l'últimu equipu nel que xugó foi'l Sport Club Corinthians Paulista.[n 1]
Ye consideráu por diversu organismos deportivos,[5][6]por dellos futbolistes[7][8] y por munchos ex-xugadores llexendarios,[9] como unu de los meyores xugadores de la historia d'esti deporte.[10] Ronaldo foi la gran figura de la histórica seleición brasilana que ganó'l Mundial de Corea del Sur y Xapón 2002 y el subcampeonatu en Francia 98. Llogró amás la Copa América de 1997 y 1999, según diversos títulos europeos con prestixosos equipos como PSV Eindhoven, FC Barcelona, Inter, Real Madrid y AC Milan. Integró tamién el plantel brasilanu que ganó'l mundial d'Estaos Xuníos 94 cuntando solo con 17 años, anque nun apostó nengún partíu del campeonatu.
Foi gallardoniáu col Premiu FIFA World Player en 1996, 1997 y 2002 la Bota d'Oru d'Europa en 1997, el Balón d'Oru d'Europa en 1997 y 2002. Coles mesmes, llogró'l Balón d'Oru nel Mundial de Francia 98 y la Bota d'Oru nel Mundial de Corea y Xapón 2002, ente otros premios.
Foi'l máximu goliador na historia de la Copa Mundial de Fútbol mientres ocho años, récor darréu superáu pol alemán Miroslav Klose na Copa Mundial de Fútbol de 2014. Ronaldo ye tamién el segundu goliador históricu de la seleición brasilana, dempués de Pelé.[11]
Retiróse como xugador del Corinthians de Brasil, equipu que lu fichó n'avientu de 2008 y onde s'estrenó como goliador el 8 de marzu de 2009, dempués de tar más d'un añu fora de los terrenes de xuegu, nesi club anunció la so retirada a principios del 2011.[12]
Sicasí, por cuenta de la tempranera eliminación del Corinthians pol Deportes Tolima (0-0 como llocal y 2-0 de visitante nel Estadiu Murillo Toro d'Ibagué) de la Copa Libertadores, el so principal motivación pa siguir n'activu na temporada 2010-2011, les remortines de les sos graves mancadures y les sos dificultaes p'algamar el so pesu ideal pa la competición, amás de la roxura de la enchida corintiana bastiaron l'anunciu de la so retirada definitiva nun comunicáu'l 14 de febreru de 2011.[13]
Error de cita: Esisten etiquetes <ref>
pa un grupu llamáu "n", pero nun s'alcontró la etiqueta <references group="n"/>
correspondiente