Seoul

Seoul (kor. 서울, Ussprooch: [sʌ.ul] loose^ⓘ/?) isch d Hauptstadt vo Südkorea. Vom 29. Novämber 1394 bis dass Korea 1910 ins Japanische Kaiserriich iigliideret worde isch, isch Seoul d Hauptstadt vo Korea gsi, denn bis dass Korea in Nord- und Südkorea ufdäilt worden isch, d Hauptstadt vo dr japanische Browinz Chōsen. Au noch dr Verfassig vo Nordkorea hätt Seoul d Hauptstadt sötte wärde, in ere Verfassigsänderig isch aber im Dezämber 1972 Pjöngjang zur Hauptstadt vo dr Volksrepublik worde.

Die äigentligi Stadt Seoul het 9,8 Millione Iiwohner (2010); in dr Metropolregion Seoul, wo vilmol as Sudogwon (수도권, 首都圈) bezäichnet wird und wo au d Millionestedt Incheon und Suwon drzue ghööre, lääbe öbbe 23,8 Millione Mensche (2010).^[1] Übbe d Helfti vo alle Südkoreaner läbe eso in dr Stadt Seoul oder in äinere vo iire Satellitestedt. D Seouler Metropolregion Sudogwon gältet as zwäitgrösste Balligsruum uf dr Wält noch Tokio-Yokohama.

Seoul isch nit nume die grössti Stadt, sondern au s Handels-, Industrii-, und Kulturzentrum vo Südkorea. 1988 isch d Stadt Gastgääber vo de Olympische Summerspiil gsi und 2002 häi dört Spiil vo dr Fuessball-Wältmäisterschaft stattgfunde.

1. ↑ Statistics Korea: Volkszelig 2010 (Memento vom 4. März 2014 im Internet Archive)