Starship (handə bejdə: Staršip) — SpaceX širkəti tərəfiku hozy kardə byə ve kərə oko doə byə kosmikə gəmi ijən Starship-i ən gonə raketi dyminə dərəčə. Javki kejnə Zəminiku rost bejədə de Super Heavy iminə dərəčə ičo oko doə bejdə. Gəmi lozime bo šələ ijən ekipaži bardejro bə čurbəčurə vyron, həmən žinə zəmini nezi orbitədə, Ovšum, Mars ijən bəzne be tikəjən bə kəno[1].
20 aprel 2023 sorədə iminə kərə Starship ijən Super Heavy vadoə be. Ovandə starti bəpeštə cominə dəǧiǧədə ijən 39 km-ədə raketi idorə karde gin be gornə əv de pəre byrnije avarijə sistemi typnijə be[2].